మస్కట్: ఒమన్ లో పబ్లిక్ హెల్త్ మరియు ఆహార భద్రతకు అందరూ కట్టుబడి ఉండాలని అధికారులు పిలపునిచ్చారు.  దోఫర్ మునిసిపాలిటీలోని ఆరోగ్య తనిఖీ విభాగం అక్టోబర్ నెలలో పబ్లిక్ హెల్త్ సెంటర్లలో విస్తృతంగా తనిఖీలు నిర్వహించింది. సలాహ్ నగరంలో  బేకరీలు, రెస్టారెంట్లు, సెంట్రల్ మార్కెట్ మరియు వివిధ ఇతర ఆహార సంబంధిత సంస్థలలో ప్రత్యేకంగా తనిఖీలు నిర్వహించారు. 

అక్టోబర్‌ నెలలో దోఫర్ మునిసిపాలిటీ ఆరోగ్య తనిఖీ బృందం మొత్తం 835 చోట్ల తనిఖీలు  నిర్వహించింది. ఈ సందర్భంగా 123 ఉల్లంఘనలు నమోదు చేశారు. 52 నోటీసులు జారీ చేయగా, 34 సంస్థలను సీజ్ చేశారు.  ఆరోగ్య నిబంధనలను ఉల్లంఘించిన సంస్థలపై చట్టపరమైన చర్యలు తీసుకున్నట్లు అధికారులు తెలిపారు.