తీవ్రవాదాన్ని అదుపు చేయడంలో సౌదీ అరేబియా ముందంజలో ఉంటోంది. ప్రపంచ వ్యాప్తంగా మానవాళికి ముప్పుగా పరిణమిస్తున్న తీవ్రవాదానికి వ్యతిరేకంగా పోరు జరపడానికి సౌదీ అరేబియా ప్రపంచ దేశాలతో కలిసి పనిచేసేందుకు ఎప్పుడూ ముందుగానే ఉంటుంది. సిరియా, ఇరాక్‌, ఎమెన్‌, లెబనాన్‌ తదితర దేశాల్లో తీవ్రవాదం కారణంగా తలెత్తుతున్న అంతర్గత సంక్షోభాన్ని పరిష్కరించేందుకు సౌదీ అరేబియా చేస్తున్న కృషికి ప్రపంచ వ్యాప్తంగా గుర్తింపు లభిస్తోంది. దాయీష్‌ తీవ్రవాదులతో పోరాటంలో దేశం చూపుతున్న శ్రద్ధ చాలా గొప్పది. డిప్యూటీ క్రౌన్‌ ప్రిన్స్‌ మొహమ్మద్‌ బిన్‌ సల్మాన్‌, ఫారిన్‌ మినిస్టర్‌ అదెల్‌ అల్‌ జుబెర్‌, అమెరికా, బ్రిటన్‌ మరియు యూఏఈకి చెందిన ఫారిన్‌ మినిస్టర్స్‌తో లండన్‌లో సమావేశమై యెమెన్‌లో పరిస్థితులపై చర్చించారు. యూఎన్‌ ప్రతినిధి బృందానికి సహకరించేందుకుగాను ఈ చర్చలు జరిగాయి.