మనామా: బహ్రెయిన్ లో 52 ఫేక్ కంపెనీలో 138 వర్క్ పర్మిట్లు దుర్వినియోగం అయ్యాయని లేబర్ మార్కెట్ రెగ్యులేటరీ అథారిటీ (LMRA) వెల్లడించింది. వర్క్ పర్మిట్ల దుర్వినియోగానికి సంబంధించిన ఈ హై-ప్రొఫైల్ కేసులో రెండవ మైనర్ క్రిమినల్ కోర్టు ఐదుగురు వ్యక్తులకు శిక్ష విధించినట్లు తెలిపారు.

ముగ్గురు నిందితులకు మూడు నెలల జైలు శిక్ష విధించారు. వారి శిక్షలు పూర్తయ్యాక  బహ్రెయిన్ నుండి బహిష్కరించాలని ఆదేశించిందన్నారు.  దీంతోపాటు చట్టవిరుద్ధంగా వర్క్ పర్మిట్లను పొందిన వారికి ఉద్యోగ అవకాశం కల్పించిన ఐదుగురికి సమిష్టిగా మొత్తం BHD 138,000 జరిమానా విధించింది.  50 వాణిజ్య రిజిస్ట్రేషన్లు ఒకే చిరునామాలో తమ విచారణలో బయటపడిందని లేబర్ రెగ్యులేటరీ అథారిటీ వెల్లడించింది.