మనామా: బహ్రెయిన్ మొత్తం భూ విస్తీర్ణం 787.79 చదరపు కిలోమీటర్లకు చేరుకుంది. ఈ మేరకు సర్వే అండ్ ల్యాండ్ రిజిస్ట్రేషన్ బ్యూరో (SLRB) తాజా అధికారిక డేటా విడుదల చేసింది.  జాతీయ ఓపెన్ డేటా ప్లాట్‌ఫామ్‌లో ప్రచురించబడిన గణాంకాల ప్రకారం, 2023తో పోలిస్తే రాజ్య భూభాగం ఒక చదరపు కిలోమీటర్ పెరిగిందని, గత ఐదు సంవత్సరాలలో మొత్తం 4.8 చదరపు కిలోమీటర్ల పెరుగుదల నమోదు అయిందని తెలిపింది.  2019లో, బహ్రెయిన్ భూభాగం సుమారు 783 చదరపు కిలోమీటర్లుగా నమోదైంది.

బహ్రెయిన్ ప్రాదేశిక జలాలు దాదాపు 7,481 చదరపు కిలోమీటర్లు విస్తరించి ఉన్నాయని నివేదిక పేర్కొంది. ఇది 2016 నుండి మారలేదని తెలిపింది. గత తొమ్మిది సంవత్సరాలలో, బహ్రెయిన్ మొత్తం భూభాగం దాదాపు ఎనిమిది చదరపు కిలోమీటర్లు విస్తరించింది.  

గవర్నరేట్ల వారీగా చూస్తే.. దక్షిణ గవర్నరేట్ అతిపెద్దదిగా ఉంది, ఇది 488.77 చదరపు కిలోమీటర్లు లేదా బహ్రెయిన్ మొత్తం భూభాగంలో 62% కలిగి ఉంది. దాని తర్వాత 145.69 చదరపు కిలోమీటర్లతో నార్తర్న్ గవర్నరేట్, 79.23 చదరపు కిలోమీటర్లతో కాపిటల్ గవర్నరేట్ మరియు 74.1 చదరపు కిలోమీటర్లతో ముహారక్ గవర్నరేట్ ఉన్నాయని నివేదికలో వెల్లడించారు.