మస్కట్: ఒమన్ సుల్తానేట్ కొత్తగా సాంస్కృతిక వీసాను ప్రవేశపెట్టింది. దీనిని సాంస్కృతిక ప్రయోజనాల కోసం ఒమన్ కు వచ్చే విదేశీయులకు ఇవ్వనున్నారు.  అలాగే, వివిధ సాంస్కృతిక కార్యకలాపాల్లో పాల్గొనడానికి వచ్చే వారికి మంజూరు చేస్తారు.  సాంస్కృతిక సంబంధిత విద్యా సంబంధిత పరిశోధనలు, సెమినార్లు, సాహిత్య సమావేశాలు, సాంస్కృతిక వేడుకలకు హాజరయ్యే వారికి ఈ కేటగిరి కింద వీసాలను మంజూరు చేయనున్నారు.   

OMR50 రుసుముతో ఒక సంవత్సరం పాటు సాంస్కృతిక వీసా మంజూరు అవుతుంది. లేదా సంవత్సరానికి OMR50 రుసుముతో ఐదు సంవత్సరాలు లేదా సంవత్సరానికి OMR50 రుసుముతో 10 సంవత్సరాలు పొడిగించుకునే అవకాశం ఉంది.  అయితే, వీసా జారీ చేసిన తేదీ నుండి మూడు నెలల్లోపు ఉపయోగించాలి, లేకుంటే అది చెల్లుబాటు కాదని అధికారులు వెల్లడించారు.