దోహా: ఖతార్ లో భారీగా నార్కోటిక్స్ పట్టుబడ్డాయి. హమద్ అంతర్జాతీయ విమానాశ్రయం ద్వారా దేశంలోకి తరలిస్తున్న డ్రగ్స్ ను ఎయిర్ కార్గో కస్టమ్స్ విభాగం అడ్డుకుంది. ఖతార్‌కు చేరుకున్న ఒక మహిళా ప్రయాణీకురాలిపై కస్టమ్స్ ఇన్‌స్పెక్టర్‌కు అనుమానం రావడంతో సెర్చ్ ఆపరేషన్ చేపట్టారు.

ఆమె లగేజీని స్కానింగ్ మరియు మాన్యువల్ గా చెక్ చేశారు. ఏమీ దొరకలేదు. కానీ ఆమె దుస్తుల లోపల రహస్య పాకెట్లను ఏర్పాటు చేసి అందులో దాచిన నార్కోటిక్స్ పదార్థాలను అధికారులు గుర్తించారు. స్వాధీనం చేసుకున్న పదార్థాలలో 2.8 కిలోగ్రాముల హషీష్ మరియు 900 గ్రాముల షాబు ఉందని అధికారులు తెలిపారు.