రియాద్: అల్-షామ్లి గవర్నరేట్‌లో వరద నీటిలో కొట్టుకుపోతున్న ఇద్దరు చైనా నివాసితులను సౌదీ పౌరుడు అహ్మద్ అల్-అంజీ రక్షించాడు.  చైనీయులు ప్రయాణిస్తున్న వాహనం వరద నీటిలో బోల్తా పడింది.  ఇద్దరు వ్యక్తులు లోపల చిక్కుకున్నారని గ్రహించిన అహ్మద్, వేగంగా స్పందించి నీటిలోకి ప్రవేశించాడు. వరదలో కొట్టుకుపోయే ప్రమాదంలో ఉన్న ఇద్దరిని సురక్షితంగా రక్షించాడు.  

మరోవైపు, మక్కా, మదీనా మరియు రియాద్ ప్రాంతాలతో సహా సౌదీ అరేబియా అంతటా భారీ వర్షాలు , ఉరుములతో కూడిన తుఫానుల నేపథ్యంలో ఈ రక్షణ జరిగింది. ఇదిలాఉండగా, ఈ సీజన్ లో సౌదీ వ్యాప్తంగా తీవ్రమైన వర్షపాతం ఉంటుందని జాతీయ వాతావరణ కేంద్రం హెచ్చరికలు జారీ చేసింది.