మనామా: గాజా స్ట్రిప్‌లో పునర్నిర్మాణానికి సంబంధించి ఐక్యరాజ్యసమితి భద్రతా మండలి తీర్మానాన్ని బహ్రెయిన్ స్వాగతించింది. యూఎన్ ప్రణాళికకు పూర్తి మద్దతు ఉంటుందని ప్రకటించింది.  కాల్పుల విరమణను పటిష్టం చేయడం, పునర్నిర్మాణం మరియు పునరుద్ధరణ నిధుల కోసం "శాంతి మండలి"ని ఏర్పాటు చేయనున్నారు. అదే సమయంలో ప్రజలను రక్షించడానికి, నిరాయుధీకరణను అమలు చేయడానికి మద్దతుగా ఉంటామని తెలిపారు. ఈ చర్యలు అంతర్జాతీయ చట్టం మరియు అంతర్జాతీయ మానవతా ప్రమాణాలకు అనుగుణంగా ఉన్నాయని మంత్రిత్వ శాఖ పేర్కొంది.

పాలస్తీనా ప్రజలు తమ స్వయం నిర్ణయాధికార హక్కును వినియోగించుకోవడానికి మరియు స్వతంత్ర రాజ్యాన్ని స్థాపించడానికి మార్గం సుగమం చేసే చారిత్రాత్మక మైలురాయిగా దీనిని అభివర్ణిస్తూ, ఐక్యరాజ్యసమితి తీర్మానాన్ని అమలు చేయడానికి బహ్రెయిన్ తన పూర్తి మద్దతును తెలిపింది.