వాషింగ్టన్: సూడాన్‌లో యుద్ధాన్ని ముగించడానికి తాను కృషి చేస్తానని అమెరికా అధ్యక్షుడు డొనాల్డ్ ట్రంప్ అన్నారు. ఈ విషయంలో సౌదీ క్రౌన్ ప్రిన్స్ మొహమ్మద్ బిన్ సల్మాన్ తో చర్చించినట్లు వాషింగ్టన్‌లో జరిగిన యుఎస్-సౌదీ ఇన్వెస్ట్‌మెంట్ ఫోరమ్‌ లో వివరించారు. సూడాన్‌ లో యుద్ధాన్ని ఆపేందుకు సౌదీ అరేబియా, యూఏఈ, ఈజిప్ట్ మరియు ఇతర ప్రాంతీయ భాగస్వాములతో కలిసి అమెరికా పనిచేస్తుందని అన్నారు.

2023లో సుడానీస్ సాయుధ దళాలు మరియు రాపిడ్ సపోర్ట్ దళాల మధ్య ప్రారంభమైన వివాదం అంతర్గత యుద్ధానికి తెరతీసింది. గత నెలలో గాజాలో కాల్పుల విరమణకు మధ్యవర్తిత్వం వహించడంలో ట్రంప్ విజయవంతం కావడంతో, సుడాన్ విషయంలోనూ ట్రంప్ దౌత్యం పనిచేస్తుందని సౌదీ అధికారులు భావిస్తున్నారు.

ఇటీవల ఒక సోషల్ మీడియా పోస్ట్‌లో ట్రంప్ సుడాన్‌ను "భూమిపై అత్యంత హింసాత్మక ప్రదేశం" మరియు "ఏకైక అతిపెద్ద మానవతా సంక్షోభం"గా అభివర్ణించారు. సహాయం అందించడానికి మరియు బాధలను అంతం చేయడానికి తక్షణ చర్య తీసుకోవాలని ట్రంప్ పిలుపునిచ్చారు.