దోహా: ఖతార్ అమీర్ షేక్ తమీమ్ బిన్ హమద్ అల్-థానీ అధికారిక పర్యటన నిమిత్తం రువాండా రిపబ్లిక్ రాజధాని కిగాలీకి చేరుకున్నారు. అంతర్జాతీయ విమానాశ్రయానికి చేరుకున్న తర్వాత అమీర్ ను రిపబ్లిక్ ఆఫ్ రువాండా ప్రెసిడెంట్ పాల్ కగామే ఘన స్వాగతం పలికారు. అమీర్ కు స్వాగతం పలికిన వారిలో రువాండా విదేశాంగ వ్యవహారాలు మరియు అంతర్జాతీయ సహకార మంత్రి ఓలీవర్, రువాండా డిఫెన్స్ ఫోర్సెస్ చీఫ్  జనరల్ ముబారక్ ముగంగా, కిగాలీ మేయర్ శామ్యూల్, రిపబ్లిక్ ఆఫ్ రువాండా రాయబారి సహా వివిధ ఖతార్ అధికారులు ఉన్నారు.  

అమీర్ తోపాటు అధికారిక ప్రతినిధి బృందం కూడా రువాండాలో పర్యటిస్తుంది. ఈ సందర్భంగా పలు కీలక రంగాల్లో ఇరు దేశాలు సహకార ఒప్పందాలు చేసుకుంటాయని అధికారులు పేర్కొన్నారు.