రియాద్: యునెస్కో ప్రపంచ వారసత్వ ప్రదేశమైన హిస్టారిక్ జెడ్డాలో డిసెంబర్ 6న రెడ్ సీ మ్యూజియం ప్రారంభించనున్నట్లు సౌదీ అరేబియా మ్యూజియం కమిషన్ ప్రకటించింది.

రెడ్ సీ సాంస్కృతిక మరియు సహజ వారసత్వంతోపాటు సౌదీ అరేబియా సాంస్కృతిక వైభవాన్ని ప్రపంచానికి తెలయజేసేలా ఈ మ్యూజియం పనిచేస్తుందని సాంస్కృతిక మంత్రి మరియు మ్యూజియంల కమిషన్ ఛైర్మన్ ప్రిన్స్ బదర్ బిన్ ఫర్హాన్ తెలిపారు. అన్ని వయసుల వారికి అనుగుణంగా కంటెంట్ ను మ్యూజియం అందజేస్తుందన్నారు. 

ఈ చారిత్రక మ్యూజియం నేల, సముద్రం కలిసే ప్రదేశంలో ఉన్న చారిత్రాత్మక బాబ్ అల్-బంట్ భవనంలో ఉంది. వారసత్వ పరిరక్షణ కోసం అత్యున్నత పర్యావరణ ప్రమాణాల ప్రకారం ఈ భవనాన్ని పునరుద్ధరించారు.      

ఈ మ్యూజియంలో అరుదైన కళాఖండాలు మరియు వారసత్వ వస్తువుల విస్తృత సేకరణ ఉంది. వీటిలో చైనీస్ సిరామిక్స్, ధూపం బర్నర్లు, పగడపు ముక్కలు, ఆభరణాలు, నావిగేషన్ పరికరాలు, మ్యాప్స్, మాన్యుస్క్రిప్ట్‌లు మరియు ఆర్కైవల్ ఫోటోలు, సౌదీ మరియు అంతర్జాతీయ కళాకారుల ఆధునిక మరియు సమకాలీన కళాకృతులు ఉన్నాయి.