యూఏఈ: యూఏఈ నివాసితులు ఇప్పుడు టాబీ అనే పేమెంట్ యాప్ ద్వారా ఫెడరల్ ప్రభుత్వ ఫీజులు, ఫైన్స్ లను నెలవారీ వాయిదాలలో చెల్లించే అవకాశాన్ని కల్పించారు. ఈ మేరకు యూఏఈ ఆర్థిక మంత్రిత్వ శాఖ (MoF) ప్రకటించింది.

ఫీజులు, ఫైన్స్ పూర్తి మొత్తాన్ని టాబీ సంబంధిత ప్రభుత్వ సంస్థకు చెల్లిస్తుందని, ఆ తర్వాత ఆ మొత్తాన్ని కస్టమర్ ముందుగా అంగీకరించిన నిబంధనల ప్రకారం తిరిగి చెల్లిస్తారని మంత్రిత్వ శాఖ వివరించింది. టాబీ ‘ఇప్పుడే కొనండి, తర్వాత చెల్లించండి’ మోడల్‌ను ఉపయోగిస్తుందని, అంటే కస్టమర్‌లు పూర్తి మొత్తాన్ని ఒకేసారి చెల్లించడానికి బదులుగా వాయిదాలలో చెల్లించే అవకాశం ఉంటుందని ఆర్థిక మంత్రిత్వ శాఖ అండర్ సెక్రటరీ సయీద్ రషీద్ అల్ యతీమ్ వెల్లడించారు.  కస్టమర్లకు ఎల్లప్పుడూ ఎక్కువ ఆర్థిక సౌలభ్యాన్ని అందించడమే తమ లక్ష్యమన్నారు.