మనామా: బహ్రెయిన్ రాజ్యం గోల్డెన్ రెసిడెన్సీ ప్రోగ్రామ్‌కు అవసరమైన కనీస రియల్ ఎస్టేట్ పెట్టుబడిని BD 200,000 నుండి BD 130,000 కు తగ్గించింది. ఈ చర్య హై-ఎండ్ ఆస్తులకు డిమాండ్‌ను పెంచుతుందని, దేశీయ రియల్ ఎస్టేట్ మార్కెట్‌కు ఎక్కువ మంది విదేశీ పెట్టుబడిదారులను ఆకర్షించడం లక్ష్యంగా పెట్టుకుందని ప్రకటించారు.

గోల్డెన్ రెసిడెన్సీ ప్రోగ్రామ్ దీర్ఘకాలిక రెసిడెన్సీ స్కీమ్. పెట్టుబడి పరిమితిని తగ్గించడం ద్వారా, ప్రభుత్వం రియల్ ఎస్టేట్ రంగంలో వృద్ధిని ప్రోత్సాహించాలని బహ్రెయిన్ భావిస్తోంది.  ముఖ్యంగా బహ్రెయిన్ లోని తీరప్రాంతంలో రెసిడెన్సీ ప్లాట్లకు డిమాండ్ అధికంగా ఉంటుందని నిపుణులు తెలిపారు.  

2024లో నమోదైన అమ్మకాలలో విల్లాలు మరియు ల్యాండ్డ్ ఇళ్ళు 70.11% వాటాను కలిగి ఉన్నాయని వెల్లడించారు. ముఖ్యంగా విదేశీ పెట్టుబడిదారులు సౌకర్యాలతో కూడిన రెడీ-టు-లివ్ యూనిట్ల వైపు ఆకర్షితులవుతారని తెలిపారు. యూరోపియన్ మరియు ఆసియా పెట్టుబడిదారులు బహ్రెయిన్ రియల్ ఎస్టేట్ మార్కెట్‌పై ఆసక్తి చూపుతున్నారని రియల్ మార్కెట్ నిపుణులు వెల్లడించారు.