కువైట్: కువైట్ లోని అరేబియన్ గల్ఫ్ స్ట్రీట్‌ ను తాత్కాలికంగా మూసివేయనున్నారు. అరేబియన్ గల్ఫ్ స్ట్రీట్‌లోని కువైట్ టవర్స్ వైపు ఉన్న ఒక లేన్‌ను నవంబర్ 29 సాయంత్రం 6:00 గంటల నుండి రెండవ రింగ్ రోడ్ సర్కిల్ నుండి ఇంజనీర్స్ అసోసియేషన్ ఇంటర్ సెక్షన్ వరకు మూసివేయనున్నట్లు జనరల్ ట్రాఫిక్ విభాగం ప్రకటించింది. 

రహదారి ప్రాజెక్టు తుది పనులు కొనసాగుతున్నాయని, ఈ మూసివేత నిర్ణయం 15 రోజుల పాటు అమల్లో ఉంటుందని పేర్కొన్నారు. వాహనదారులు ప్రత్యామ్నాయ మార్గాల్లో సురక్షితంగా తమ గమ్యస్థానాలకు వెళ్లాలని సూచించారు. వాహనదారులు ట్రాఫిక్ సంకేతాలను అనుసరించాలని, ప్రత్యామ్నాయ మార్గాలను ఉపయోగించాలని మరియు జాగ్రత్తగా ఉండాలని కోరారు.