అల్ బురైమి: జాతీయ దినోత్సవ సెలవుదినం సందర్భంగా అల్ బురైమి గవర్నరేట్ వాణిజ్య మరియు పర్యాటక కార్యకలాపాలు భారీగా పెరిగాయి.  ఒమన్ సుల్తానేట్ నుంచే కాకుండా ఇతర దేశాల నుండి పెద్ద సంఖ్యలో టూరిస్టులు తరలివచ్చారని అల్-బురైమి గవర్నరేట్‌లోని హెరిటేజ్ మరియు టూరిజం విభాగం డైరెక్టర్ హమీద్ బిన్ రషీద్ అల్-జైదీ వెల్లడించారు.

గత కొన్నిరోజులుగా రికార్డు స్థాయిలో పర్యాటకులు రావడంతో హోటల్స్ 100 శాతం ఆక్యుపెన్సీ రేట్లను నమోదు చేశాయని తెలిపారు. ఇతర వాణిజ్య కార్యకలాపాలు, ముఖ్యంగా రెస్టారెంట్లు, కేఫ్‌లు, పార్కులు, క్యాంపింగ్ సైట్‌లలో విపరీతమైన రద్దీ నెలకొన్నదని పేర్కొన్నారు.