అబుదాబి: యూఏఈ జాతీయ దినోత్సవం సందర్భంగా నవంబర్ 30 నుండి వరుసగా మూడు రోజులు పార్కింగ్ ఉచితం సదుపాయాన్ని కల్పిస్తున్నట్లు అబుదాబి ప్రకటించింది. ఈ రోజులలో దర్బ్ టోల్‌లు కూడా ఉచితమని తెలిపింది. పార్కింగ్ ఫీజులు మరియు టోల్‌లు డిసెంబర్ 3 నుండి తిరిగి ప్రారంభమవుతాయని తెలిపారు.

దుబాయ్‌లోని వాహనదారులకు కూడా మూడు రోజులపాటు ఉచిత పార్కింగ్‌ను ప్రకటించారు. అయితే, ఈ ఉచిత పార్కింగ్ ఆఫర్ మల్టీ ఫ్లోర్ కార్ పార్కింగ్‌లు, అల్ ఖైల్ గేట్ N-365లో వర్తించదని ఎమిరేట్స్ రోడ్స్ అండ్ ట్రాన్స్‌పోర్ట్ అథారిటీ (RTA) వెల్లడించింది.  అలాగే, నేషనల్ డే వేడుకల సందర్భంగా దుబాయ్ మెట్రో మరియు దుబాయ్ ట్రామ్ తమ సర్వీసుల సమయాలను పొడిగించాయి.