రియాద్: సౌదీయా తన ఎయిర్‌బస్ A320 విమానాలను సమీక్షిస్తుంది. ప్రపంచవ్యాప్తంగా ఎయిర్ బస్ తయారీ సంస్థ అలెర్ట్ జారీ చేసింది. ప్రపంచవ్యాప్తంగా ఉన్న A320 విమానాల్లో సగానికి పైగా విమానాలను రీకాల్ ప్రభావితం చేస్తుందని తెలిపింది.

విమాన షెడ్యూల్‌లపై ప్రస్తుతం ప్రభావం లేదని,  ఒక వేళ అప్డేట్ ఉంటే నేరుగా ప్రయాణికులు అలెర్ట్ చేస్తామని ఎయిర్‌లైన్ అధికారిక ప్రకటనలో వెల్లడించింది.  మరోవైపు, ప్రయాణికులు తమ కాంటాక్ట్ వివరాలను అప్డేట్ చేసుకోవాలని, నోటిఫికేషన్‌లను నిరంతరం చెక్ చేసుకోవాలని సౌదీయా కోరింది. తమ ప్రయాణికులు, సిబ్బంది భద్రత తమకు అత్యంత ప్రాధాన్యత అని ఎయిర్‌లైన్ తెలిపింది.

ఈ శుక్రవారం ఎయిర్‌బస్ 6,000 A320-ఫ్యామిలీ జెట్‌లకు తక్షణ మరమ్మతులు తప్పనిసరి అని ప్రకటించిన తర్వాత సౌదీయా అధికారిక ప్రకటనను విడుదల చేసింది. ఎయిర్ బస్ కంపెనీ 55 సంవత్సరాల చరిత్రలో అతిపెద్ద రీకాల్‌లలో ఇది ఒకటి అని నిపుణులు చెబుతున్నారు. ఎయిర్ బస్ ప్రకటన ప్రపంచవ్యాప్తంగా 350 కంటే ఎక్కువ మంది ఆపరేటర్లను ప్రభావితం చేస్తుందని భావిస్తున్నారు. ప్రస్తుతం ప్రపంచవ్యాప్తంగా దాదాపు 3వేల A320 విమానాలు వివిధ విమానయాన సంస్థల తరఫున సేవలు అందిస్తున్నాయి.