రియాద్: ఎయిర్‌బస్ శుక్రవారం ప్రపంచవ్యాప్తంగా 6వేల A320 విమానాలను అత్యవసరంగా రీకాల్ చేయాలని ఆదేశించింది.ఈ క్రమంలో సౌదీ అరేబియా విమానయాన రంగం కూడా ప్రభావితమైంది. సౌదియా, ఫ్లైనాస్ మరియు ఫ్లైయేడియల్‌తో సహా ప్రపంచ క్యారియర్‌లలో అనేక సర్వీసులను రద్దు కావడంతోపాటు ఆలస్యంగా నడిచాయి.    

ఈ క్రమంలో  సౌదీ అరేబియాలోని విమానయాన సంస్థలు సాఫ్ట్‌వేర్ మరియు సాంకేతిక అప్డేట్ లను పూర్తి చేసినట్టు వెల్లడించాయి.నవంబర్ 29 అర్ధరాత్రి నాటికి తమ విమాన కార్యకలాపాలు సాధారణ స్థితికి వచ్చాయని పేర్కొన్నాయి.అధిక డిమాండ్ ఉన్న మార్గాల్లో అదనపు సర్వీసులను నడుపుతున్నట్లు తెలిపాయి.

క్లిష్ట సమయంలో సహకరించిన ప్రయాణీకులకు  ఫ్లైడీల్ కృతజ్ఞతలు తెలిపింది.  ప్రభావితమైన తన 68 విమానాలలో 20 విమానాలపై రికార్డు సమయంలో అప్డేట్ లను పూర్తి చేసినట్లు ఫ్లైనాస్ తెలిపింది.