పార్క్‌లు, మ్యూజియంలలో ప్రవేశం కోసం ఎన్‌ఓఎల్‌ కార్డులను వినియోగించవచ్చని దుబాయ్‌ మునిసిపాలిటీ అధికారులు వెల్లడించారు. ఆ కార్డుల ద్వారా ప్రవేశ రుసుము చెల్లించవచ్చని అధికారుల వివరించారు. దుబాయ్‌లో మెట్రో సహా, బస్సులు, వాటర్‌ బస్సులు, ట్యాక్సీలపై (రోడ్స్‌ అండ్‌ ట్రాన్స్‌పోర్ట్‌ అథారిటీ రెగ్యులేట్‌ చేస్తున్నవి) ప్రయాణం కోసం ఎన్‌ఓఎల్‌ కార్డుల్ని అమల్లోకి తెచ్చారు. వీటిని పార్కులు, మ్యూజియంలలోనూ వినియోగించేలా ఏర్పాట్లు చేశారు. ఈ విధానం ద్వారా పార్కుల్లో, మ్యూజియంలలో ప్రవేశం కోసం ప్రత్యేకంగా టిక్కెట్‌ తీసుకోవడం, రుసుము చెల్లించడం వంటి ఇబ్బందులు తొలగుతాయని అధికారులు తెలిపారు. స్మార్ట్‌ ఎన్‌ఓఎల్‌ కార్డులను వినియోగించడం తేలిక, సౌకర్యవంతం కూడా అని ఎన్‌ఓఎల్‌ యూజర్స్‌ వెల్లడిస్తున్నారు. ఈ నెలాఖరుకు ఐటీ డిపార్ట్‌మెంట్‌ మరో సౌకర్యాన్ని అందుబాటులోకి తీసుకురానుంది. మునిసిపాలిటీ కాల్‌ సెంటర్‌ హాట్‌ లైన్‌ నంబర్‌కి ఆటోమేటిక్‌ రెస్పాన్స్‌ వచ్చేలా డెవలప్‌ చేస్తున్నారు. ఇ-సర్వీసులను మొబైల్‌ సర్వీసులుగా మార్చడం అనేది స్మార్ట్‌ నిర్ణయమనీ, రానున్న రోజుల్లో ఇంకా ఇంకా సాంకేతికపరమైన మార్పులను చూడవచ్చని అధికారులు తెలిపారు.