రజనీకాంత్‌.. ఈ పేరుకు ఉన్న విలువ అంతా ఇంతా కాదని మనకి తెలుసు. ఆయనతో సినిమా చేసేందుకు దర్శక నిర్మాతలు క్యూ కడుతుంటారు. సినిమాల్లో స్టైల్‌కు బ్రాండ్‌ అంబాసిడర్‌గా ఉండే రజనీ నిజ జీవితంలో చాలా సాధారణంగా ఉంటారు. తాజాగా అలాంటి ఘటనే ఇటీవల జరిగింది. విశ్రాంతి నిమిత్తం రెండు నెలల కిత్రం అమెరికా వెళ్లిన రజనీ ఆదివారం భారత్‌కు తిరిగి వచ్చారు. ఈ సందర్భంగా అమెరికా ఎయిర్‌పోర్ట్‌లో రజనీ ఉన్న ఫొటోను ప్రముఖ నటుడు రిషి కపూర్‌ ట్వీట్‌ చేస్తూ 'రజనీ సింప్లిసిటీకి ఇదో నిదర్శనం. అమెరికా ఎయిర్‌పోర్ట్‌లో తనిఖీ నిమిత్తం సాధారణ ప్రయాణీకులతో కలిసి నిలబడ్డారు. మీ అణకువకు ఇదే నా వందనం' అంటూ పేర్కొన్నారు.