సల్లూభాయ్‌ ప్రవేశపెట్టిన 'బీయింగ్‌హ్యూమన్‌' నుంచి ఇప్పటికే వివిధ రకాల దుస్తులు అమ్ముడవుతున్నాయి. తాజాగా ఈ బ్రాండ్‌ పేరుతో జ్యువెలరీ అమ్మకాలు కూడా జరగబోతున్నాయి. ఈ విషయాన్ని సల్మాన్‌ చెల్లెలు అర్పితా ఖాన్‌ మంగళవారం ముంబయిలో జరిగిన రీటైల్‌ జ్యువెలర్‌ ఇండియా అవార్డ్స్‌ కార్యక్రమంలో వెల్లడించారు. కస్టమర్లకు అందుబాటులో ఉండే ధరలకేబీయింగ్‌ హ్యూమన్‌ ఆభరణాలు అందుబాటులో ఉంటాయని ఇందులో 70 శాతం ఆభరణాలు మహిళలకు సంబంధించినవే ఉంటాయని అర్పిత తెలిపారు. ఈ బ్రాండ్‌ ద్వారా వచ్చే లాభాల్లో కొంతభాగం చారిటీలకు విరాళంగా ఇస్తున్నారు.