ఇంతకాలం అఖిల్ నెక్స్ట్ మూవీ ఏంటనేదానిపై అనేక రూమర్లు.. అనేక కథనాలు. వీటన్నిటికీ సమాధానంగా తన కొత్త సినిమా గురించి స్పందించాడు అఖిల్. హను రాఘవపూడి డైరెక్షన్లో సినిమా చేయబోతున్నట్టు అధికారికంగా ప్రకటించాడు. దీనికి సంబంధించిన ప్రీప్రొడక్షన్ వర్క్ దాదాపు పూర్తికావొచ్చిందని త్వరలోనే సెట్స్ మీదకు వెళ్లబోతున్నందుకు చాలా ఎక్సైటెడ్ గా ఉన్నానని తెలిపాడు. ప్రాజెక్ట్ పూర్తి డీటైల్స్ త్వరలోనే వెల్లడిస్తామని వెల్లడించాడు.
భారీ హైప్ తో వచ్చిన ఫస్ట్ మూవీ 'అఖిల్' బాక్సాఫీస్ దగ్గర బోల్తాపడ్డంతో అఖిల్ రెండో సినిమాపై అక్కినేని అభిమానులతోపాటు సినీ అభిమానులందరిలోనూ ఆసక్తి నెలకొన్న సంగతి తెలిసిందే. అయితే, సినిమా ఎప్పుడు మొదలౌతుందనే విషయమై అఖిల్ క్లారిటీ ఇవ్వకపోయినప్పటికీ, ఆగష్టు 29 నాగార్జున బర్త్ డే సందర్భంగా అఖిల్ రెండో సినిమా లాంచ్ చేయబోతున్నారన్నది ఇన్ సైడ్ టాక్. నాని హీరోగా 'కృష్ణగాడి వీరప్రేమ గాథ' సినిమాతో హిట్ కొట్టి మంచి ఫాంలో ఉన్న డైరెక్టర్ హను రాఘవపూడి అఖిల్ రెండో సినిమాని ఎలా తెరకెక్కిస్తాడో చూడాలి.