భారతదేశపు తొలి అంతర్జాతీయ వాల్యూ క్యారియర్ అయిన Air India Express మిడిల్ ఈస్ట్ నుంచి భారత్‌కు ప్రయాణించే ప్రయాణికుల కోసం అదనపు బ్యాగేజ్ పై ప్రత్యేక పరిమితకాల రాయితీ ఆఫర్‌ను ప్రకటించింది. నూతన సంవత్సరాన్ని పురస్కరించుకుని తీసుకొచ్చిన ఈ ఆఫర్ ద్వారా ప్రయాణికులు ముందస్తుగా 5 కిలోలు లేదా 10 కిలోల అదనపు బ్యాగేజ్ ని ఆకర్షణీయమైన ధరలకు బుక్ చేసుకోవచ్చు.

ఈ ఆఫర్ బహ్రెయిన్, కువైట్, ఒమాన్, ఖతార్, సౌదీ అరేబియా మరియు యూఏఈ నుంచి భారత్‌కు ప్రయాణించే ప్రయాణికులకు వర్తిస్తుంది. జనవరి 31, 2026 వరకు చేసుకునే బుకింగ్స్‌కు, జనవరి 16 నుంచి మార్చి 10, 2026 మధ్య ప్రయాణాలకు ఈ రాయితీ అందుబాటులో ఉంటుంది. ఎయిర్ ఇండియా ఎక్స్‌ప్రెస్ అవార్డు గెలుచుకున్న వెబ్‌సైట్ http://www.airindiaexpress.com, మొబైల్ యాప్‌తో పాటు అన్ని ప్రధాన బుకింగ్ చానళ్ల ద్వారా ఈ బుకింగ్‌లు చేసుకోవచ్చు (లభ్యతకు లోబడి).

ఈ ఆఫర్ కింద, మిడిల్ ఈస్ట్ దేశాల నుంచి భారత్‌కు ప్రయాణించే అతిథులు 5 కిలోలు లేదా 10 కిలోల అదనపు చెక్-ఇన్ బాగేజీని బహ్రెయిన్‌లో BHD 0.2, కువైట్‌లో KWD 0.2, ఒమాన్‌లో OMR 0.2, ఖతార్‌లో QAR 2, సౌదీ అరేబియాలో SAR 2, యూఏఈలో AED 2 చొప్పున కొనుగోలు చేయవచ్చు. ఈ రాయితీ Xpress Value, Xpress Lite, Xpress Flex, Xpress Biz సహా అన్ని ఫేర్ కేటగిరీలకు వర్తిస్తుంది. అయితే ఈ ఆఫర్ బుకింగ్ ప్రక్రియలోనే మాత్రమే చెల్లుబాటు అవుతుంది.

సాధారణంగా ఈ రూట్లలో Xpress Lite ఫేర్ మినహా మిగతా అన్ని ఫేర్‌లకు కనీసం 30 కిలోల చెక్-ఇన్ బ్యాగేజ్ అలవెన్స్‌ను ఎయిర్ ఇండియా ఎక్స్‌ప్రెస్ అందిస్తోంది. ఇప్పుడు ఈ ప్రత్యేక ఆఫర్ ద్వారా అదనంగా 10 కిలోలు కొనుగోలు చేసే అవకాశంతో, ప్రయాణికులు గరిష్టంగా 40 కిలోల చెక్-ఇన్ బ్యాగేజ్ తో ప్రయాణించవచ్చు.కుటుంబ సభ్యులు, స్నేహితులను కలుసుకునేందుకు భారత్‌కు వెళ్లే వారికి బహుమతులు, అవసరమైన వస్తువులు తీసుకెళ్లేందుకు ఇది ఎంతో అనుకూలంగా ఉండనుంది.