రియాద్ః సౌదీ భద్రతా అధికారులు గత వారం రోజుల్లో మొత్తం 18,836 మంది అక్రమ నివాసితులను అరెస్టు చేశారు. జనవరి 1 నుండి 7వ తేదీ మధ్య కాలంలో సంబంధిత ప్రభుత్వ ఏజెన్సీలతో కలిసి భద్రతా దళాలు  సంయుక్త తనిఖీలు చేపట్టారని అంతర్గత మంత్రిత్వ శాఖ ప్రకటించింది. అరెస్టు అయిన వారిలో 11,710 మంది నివాస చట్టాన్ని ఉల్లంఘించినవారు, 4,239 మంది సరిహద్దు భద్రతా చట్టాన్ని ఉల్లంఘించినవారు మరియు 2,887 మంది కార్మిక చట్టాన్ని ఉల్లంఘించినవారు ఉన్నారు. మొత్తం 20,956 మంది ఉల్లంఘనదారులను ప్రయాణ పత్రాల కోసం వారి దౌత్య కార్యాలయాలకు అప్పగించగా, 5,201 మందిని వారి ప్రయాణ రిజర్వేషన్లను పూర్తి చేయడానికి పంపారు. 10,195 మంది ఉల్లంఘనదారులను దేశం నుండి బహిష్కరించారు.
అలాగే, రాజ్యంలోకి సరిహద్దు దాటడానికి ప్రయత్నిస్తూ  1,741 మంది పట్టుబడ్డారు. వీరిలో 39 శాతం యెమెన్ జాతీయులు, 60 శాతం ఇథియోపియన్ జాతీయులు మరియు ఒక శాతం ఇతర దేశాలకు చెందినవారు ఉన్నారు. సౌదీని అక్రమంగా విడిచి వెళ్ళడానికి ప్రయత్నిస్తున 46 మందిని అరెస్టు చేశారు. అక్రమార్కులకు సాయం చేసిన 19మందిని కూడా అరెస్టయిన వారిలో ఉన్నారు. ఉల్లంఘనలకు పాల్పడే వారికి సాయం చేసిన వారికి  15 సంవత్సరాల వరకు జైలు శిక్ష, SR1 మిలియన్ వరకు జరిమానా విధిస్తామని మంత్రిత్వశాఖ హెచ్చరించింది. మక్కా, రియాద్ మరియు తూర్పు ప్రావిన్స్ ప్రాంతాలలో 911 నంబర్‌కు, మిగిలిన ప్రాంతాలలో 999 మరియు 996 నంబర్లకు ఫోన్ చేసి ఏవైనా ఉల్లంఘనల కేసులును తెలియజేయాలని మంత్రిత్వ శాఖ ప్రజలను కోరింది.