రియాద్: సౌదీ అరేబియాలోని హఫర్ అల్ బాటిన్‌లో ఒక హత్య జరిగిందని ఓ వీడియో సోషల్ మీడియాలో వైరల్ అవుతుంది. దీనిపై సౌదీ అరేబియా అధికారులు క్లారిటీ ఇచ్చారు. 

సోషల్ మీడియాలో ఒక ప్రకటన జారీ చేశారు. సౌదీ అరేబియా అంతర్గత వ్యవహారాల మంత్రిత్వ శాఖ తూర్పు ప్రాంత పోలీసుల మీడియా ప్రతినిధి ఆన్‌లైన్‌లో ప్రచారంలో ఉన్న వీడియో నిజం కాదు అని తెలిపారు.

ఈ సంఘటన కుటుంబ కలహాలకు సంబంధించినదని, దానిని పరిష్కరించినట్లు అధికారులు తెలిపారు. అవసరమైన చట్టపరమైన చర్యలు తీసుకున్నట్లు కూడా వారు తెలిపారు. వీడియోను రికార్డ్ చేసి పోస్ట్ చేసిన వ్యక్తిని కూడా సైబర్ నేరాల నిరోధక చట్టాన్ని ఉల్లంఘించినందుకు అరెస్టు చేసినట్ట తెలిపారు. సైబర్ నేరాల నిరోధక చట్టం ప్రకారం, ఉల్లంఘించిన వారికి ఐదేళ్ల వరకు జైలు శిక్ష మరియు/లేదా 3 మిలియన్ల సౌదీ రియాల్స్ వరకు జరిమానా విధించే అవకాశం ఉందని వెల్లడించారు.