కువైట్: ఈ వీకెండ్ లో అరేబియన్ గల్ఫ్ స్ట్రీట్ ను పూర్తిగా మూసివేయనున్నారు.సెకండ్ రింగ్ రోడ్ ఇంటర్ సెక్షన్ నుండి ఇంజనీర్స్ అసోసియేషన్ సర్కిల్ వరకు అరేబియన్ గల్ఫ్ స్ట్రీట్‌ను పూర్తిగా మూసివేస్తున్నట్లు జనరల్ ట్రాఫిక్ డిపార్ట్‌మెంట్ ప్రకటించింది. రోడ్డు నిర్వహణ పనుల కోసం ఈ నిర్ణయం తీసుకున్నట్లు తెలిపింది. ఈ మూసివేత ఆంక్షలు జనవరి 22 సాయంత్రం 6:00 గంటల నుండి అమల్లోకి వస్తుందని, జనవరి 25 ఉదయం 6:00 గంటల వరకు అమల్లో ఉంటుందని పేర్కొంది. ఈ మూసివేత సమయంలో వాహనదారులు ప్రత్యామ్నాయ మార్గాలను ఉపయోగించాలని సూచించారు. అదే సమయంలో ట్రాఫిక్ సూచనలను పాటించాలని కోరారు.