మస్కట్: సోహార్ విలాయత్‌లోని కార్మికుల వసతి గృహంలో అగ్నిప్రమాదం చోటుచేసుకుంది.ప్రమాద సమాచారం అందుకున్న నార్త్ అల్ బతినా గవర్నరేట్‌కు చెందిన సివిల్ డిఫెన్స్ అండ్ అంబులెన్స్ అథారిటీ (CDAA) బృందాలు సంఘటనా స్థలానికి చేరుకొని వేగంగా స్పందించాయి. వెంటనే మంటలను అదుపులోకి తీసుకొచ్చారు. ఇతర ప్రాంతాలకు మంటలు వ్యాపించకుండా సకాలంలో చర్యలు తీసుకున్నారని, దాంతో పెను ప్రమాదం తప్పిందని స్థానికులు తెలిపారు. సకాలంలో మంటలను విజయవంతంగా ఆర్పివేసినట్లు, ఈ ప్రమాదంలో ఎవరికి ఎలాంటి గాయాలు కాలేదని అథారిటీ ప్రకటించింది. ప్రమాదానికి గల కారణాలను తెలుసుకునేందుకు దర్యాప్తు కొనసాగుతుందని పేర్కొంది. త్వరలోనే పూర్తి వివరాలు వెల్లడిస్తామని అధికారులు తెలిపారు.