కువైట్ః కువైట్ వ్యాప్తంగా రాబోయే రెండు రోజులపాటు తేలికపాటి వర్షాలు కురుస్తాయని, అక్కడక్కడ ఉరుములతో కూడిన వర్షాలు కురిసే అవకాశం ఉందని వాతావరణ శాఖ తెలిపింది. ఉపరితల అల్పపీడనం క్రమంగా బలపడుతుందని, దీని ప్రభావంతో తక్కువ ఎత్తులో మేఘాలు, వాటి మధ్య కుములోనింబస్ మేఘాలు ఏర్పడతాయని తెలిపారు. వీటి కారణంగా ఆకస్మాత్తుగా భారీ వర్షాలు కురిసే అవకాశం ఉందన్నారు. అదే సమయంలో  గంటకు 25 నుండి 65 కిలోమీటర్ల వేగంతో గాలులు వీస్తాయని హెచ్చరించింది. ఆ తర్వాత క్రమంగా వాతావరణ పరిస్థితులు మెరుగు అవుతాయని తెలిపింది.