భారత క్రికెట్‌ నియంత్రణ మండలి(బీసీసీఐ) అధ్యక్షుడు అనురాగ్‌ ఠాకూర్‌ సరికొత్త బాధ్యతలు చేపట్టారు. శుక్రవారం ఆయన భారత సైన్యంలో చేరినట్లు తెలిపారు. అనురాగ్‌ ఠాకూర్‌ను లెఫ్టినెంట్‌గా ఆర్మీ చీఫ్‌ జనరల్‌ దల్బీర్‌ ఎస్‌ సుగాగ్‌ నియమించారు. ఈ సందర్భంగా ఠాకూర్‌ మాట్లాడుతూ.. 'మా తాతయ్య ఆర్మీలో పనిచేశారు. చిన్నప్పటి నుంచి నేను కూడా ఆర్మీలో చేరి దేశానికి సేవ చేయాలని కలలు కనేవాడిని. ఇప్పుడు లెఫ్టినెంట్‌ హోదాలో నా దేశ ప్రజలకు సేవ చేస్తా' అని పేర్కొన్నారు.