రియాద్: ప్రయాణీకుల రవాణా సేవల సమ్మతిని బలోపేతం చేయడానికి రైడ్-హెయిలింగ్ డ్రైవర్ల కోసం ఫేస్ రికగ్నిషన్ ధృవీకరణను స్వీకరించినట్లు ట్రాన్స్‌పోర్ట్ జనరల్ అథారిటీ (TGA) ప్రకటించింది. ఫేస్ గుర్తింపు యాప్‌లు వినియోగదారులు ఫోటోలు లేదా వీడియోల నుండి  AI- ఆధారిత విశ్లేషణను ఉపయోగించి వ్యక్తులను గుర్తించడానికి, ట్రాక్ చేయడానికి లేదా ధృవీకరించడానికి అనుమతిస్తాయని వివరించింది. డ్రైవర్ సమాచారాన్ని రికార్డ్ చేయడానికి,  సేవా నాణ్యతను నిర్ధారించడానికి ఎలక్ట్రానిక్ డ్రైవర్ రిజిస్ట్రేషన్ ప్లాట్‌ఫామ్‌ను కూడా ప్రారంభించినట్టు పేర్కొంది. ఈ సంవత్సరం మొదటి త్రైమాసికంలో ఈ విధానాన్ని అమలు చేస్తామని అథారిటీ తెలిపింది. కాగా, ఈ అప్లికేషన్ల ద్వారా రైడ్ హెయిలింగ్ కార్యకలాపాలు సౌదీ పౌరులకు మాత్రమే పరిమితం అని అథారిటీ పేర్కొంది.