జాజాన్: సౌదీ అరేబియాలోని కమ్యూనిటీ సెక్యూరిటీ మరియు మానవ అక్రమ రవాణా నిరోధక జనరల్ డైరెక్టరేట్‌తో సమన్వయంతో జాజాన్ పోలీసులు..  ఒక మహిళను లైంగికంగా వేధించిన కేసులో  సౌదీ సిటిజన్ ఇబ్రహీం మొహమ్మద్ మొహ్సెన్ జబ్రాన్‌ను అరెస్టు చేశారు. తదుపరి చర్యల కోసం అతడిని పబ్లిక్ ప్రాసిక్యూషన్‌కు అప్పగించినట్లు జాజాన్ పోలీసులు తెలిపారు.

సుమారు ఒక సంవత్సరం క్రితం స్థాపించిన అంతర్గత మంత్రిత్వ శాఖలోని కమ్యూనిటీ సెక్యూరిటీ మరియు మానవ అక్రమ రవాణా నిరోధక జనరల్ డైరెక్టరేట్.. ప్రాంతీయ పోలీసు బలగాలతో కలిసి అన్ని రకాల అనైతిక చర్యలను ఎదుర్కోవడానికి మరియు అటువంటి నేరాలలో పాలుపంచుకున్న వారిని పబ్లిక్ ప్రాసిక్యూషన్‌కు అప్పగించడానికి ఒక సమగ్ర ప్రచారాన్ని ప్రారంభించింది.

సౌదీలో వేధింపుల నిరోధక చట్టం ప్రకారం, వేధింపుల నేరానికి పాల్పడిన ఎవరికైనా రెండు సంవత్సరాలకు మించని జైలు శిక్ష మరియు SR100,000 మించని జరిమానా లేదా ఈ రెండు శిక్షలలో ఏదో ఒకటి విధించబడుతుందని పోలీసులు హెచ్చరించారు.