సినిమా ఎప్పుడంటే?దర్శకుడు మణిరత్నంకి యువ కథానాయకుడు నాని వీరాభిమాని. ఆయన దర్శకత్వంలో ఒక్క సినిమానైనా చేయాలనేది తన కల అని చెబుతుంటాడు. 'ఓకే బంగారం' చిత్రంవల్ల ఎట్టకేలకి మణిరత్నం దృష్టిలో పడ్డాడు నాని. దుల్కర్‌ సల్మాన్‌ కథానాయకుడిగా మణిరత్నం తెరకెక్కించిన ఆ చిత్రానికి తెలుగులో నానినే డబ్బింగ్‌ చెప్పాడు. దాంతో మణిరత్నంకీ, నానికీ మధ్య పరిచయం బాగా పెరిగింది. 'ఓకే బంగారం' తర్వాత నానితోనే మణిరత్నం ఓ సినిమా చేయబోతున్నాడని ప్రచారం సాగింది. ఏమైందో తెలియదు కానీ... ఆ ప్రాజెక్టు పట్టాలెక్కలేదు. ప్రస్తుతం కార్తీ కథానాయకుడిగా ఓ చిత్రాన్ని తెరకెక్కిస్తున్నాడు మణి. అదయ్యాక నానితో సినిమా పక్కా అని తెలుస్తోంది. ఆ విషయాన్ని ఓ హీరోయిన్‌ బయటపెట్టింది. ఆ హీరోయిన్‌ ఎవరో కాదు.. సయామీ ఖేర్‌. 'రేయ్‌' అనే చిత్రంతో తెలుగు తెరపై మెరిసింది సయామీ. నాని కథానాయకుడిగా తెరకెక్కించాలనుకొన్న సినిమాలో కథానాయికగా సయామీఖేర్‌నే ఎంపిక చేసుకోవాలను కొన్నాడట మణిరత్నం. ఆ విషయాన్ని చెబుతూ 'ఇప్పటికీ నేను మణిసార్‌తో టచ్‌లోనే ఉన్నా. త్వరలోనే మాతో ఆయన సినిమా చేస్తార'ని స్పష్టం చేసింది సయామీ.