టాలీవుడ్‌లో ఒకప్పుడు ప్రేక్షకులను అలరించిన సీనియర్ నటీనటులు శివాజీ, లయ చాలా కాలం తర్వాత మళ్లీ జంటగా నటించిన క్రైమ్ కామెడీ చిత్రం ‘సాంప్రదాయిని సుప్పిని సుద్దపూసని’ ఇప్పుడు మంచి ఆసక్తిని రేకెత్తిస్తోంది. థియేటర్లలో విడుదల కాకుండా నేరుగా డిజిటల్ వేదికగా విడుదలవుతోంది.అయితే ఈ సినిమా హ‌క్కుల‌ను ప్రముఖ ఓటీటీ ప్లాట్‌ఫామ్ (OTT) ఈటీవీ విన్ ద‌క్కించుకోగా ఈ సినిమాను ఈ నెల 12 నుంచి స్ట్రీమింగ్ చేయ‌బోతున్న‌ట్లు ప్ర‌క‌టించింది.

ఈ సంద‌ర్భంగా మూవీ నుంచి ట్రైల‌ర్‌ను విడుద‌ల చేశారు మేక‌ర్స్. ఈ ట్రైల‌ర్ చూస్తుంటే పంచాయితీ సెక్ర‌ట‌రీ అయిన శ్రీరామ్ నీతి, నిజాయితీ అంటూ బ్ర‌తుకుతుంటాడు. అయితే అత‌డి జీవితంలోకి అనుకోకుండా వ‌చ్చిన సంఘ‌ట‌న‌లు ఏంటి అత‌డిని పోలీసులు, రౌడీలు ఎందుకు వెతుకుతుంటారు అనేది ఈ సినిమా క‌థ‌. క్రైమ్ కామెడీగా ఈ చిత్రం రాబోతుంది. ఒకప్పుడు వెండితెరపై సూపర్ హిట్ జోడీగా పేరు తెచ్చుకున్న శివాజీ, లయ ఇందులో మ‌ళ్లీ జంట‌గా న‌టిస్తుండ‌టంతో సినిమాపై మంచి అంచ‌నాలు ఉన్నాయి.