కువైట్: నువైసీబ్ కస్టమ్స్ విభాగం ఐదు భారీ సిగరెట్ల స్మగ్లింగ్ కార్యకలాపాలను అడ్డుకుంది. పలు వాహనాల నుంచి 1,639 సిగరేట్ ప్యాకెట్లను స్వాధీనం చేసుకుంది. నువైసీబ్ సరిహద్దు దాటి వస్తున్న ఒక ప్రైవేట్ వాహనాన్ని తనిఖీ చేయగా, వివిధ రకాల 389 కార్టన్ల సిగరెట్లు లభించాయి. మరొక వాహనం నుంచి 77 కార్టన్ల సిగరెట్లతో పాటు,  5 లైసెన్స్ లేని ఎలక్ట్రానిక్ సిగరెట్ల కార్టన్లను కూడా సీజ్ చేసింది.  ఇలా మొత్తం ఐదు వేర్వేరు ప్రాంతాల్లో తనిఖీలు నిర్వహించి, వాహనాలలో రహస్యంగా తరలిస్తున్న సిగరేట్ ప్యాకెట్లతోపాటు వివిధ రకాల వస్తువులను సీజ్ చేసినట్లు అధికారులు తెలిపారు.