సార్జా లేబర్‌ స్టాండర్డ్స్‌ డెవలప్‌మెంట్‌ అథారిటీ, అవేర్‌నెస్‌ క్యాంపెయిన్‌ని ప్రారంభించింది. 18 మంది కార్మికులకు మిడ్‌ డే వర్క్‌ బ్యాన్‌పై ఈ సందర్భంగా అవగాహన కల్పించారు. 'వి కేర్‌ ఫర్‌ యువర్‌ కంఫర్ట్‌' పేరుతో ఈ క్యాంపెయిన్‌ని నిర్వహిస్తున్నారు. ఈ కార్యక్రమంలో భాగంగా పలువురికి జాకెట్లు అందజేశారు. ఈ జాకెట్లతో ఎండ వేడిమి నుంచి కొంతవరకు ఉపశమనం కలుగుతుంది. తాము చేపట్టిన ఈ కార్యక్రమంతో కార్మికులకు కొంతవరకు అవగాహన కల్పించడంతోపాటు, హీట్‌ ప్రూఫ్‌ జాకెట్స్‌తో వారికి ఉపశమనం కలుగుతుందని లేబర్‌ స్టాండర్డ్స్‌ డెవలప్‌మెంట్‌ అథారిటీ ఛైర్మన్‌ సలెమ్‌ యూసెఫ్‌ అల్‌ కసీర్‌ చెప్పారు. యజమానుల సహకారంతో కార్మికులకు మరిన్ని ఉపయోగకరమైన కార్యక్రమాలు చేపడుతున్నట్లు అల్‌ కసీర్‌ వివరించారు.