మస్కట్: ఒక యువతిని తన వాహనంతో ఢీకొట్టి,  అక్కడి నుండి పారిపోయిన ఆసియా జాతీయుడిని పోలీసు గార్డులు అరెస్టు చేశారు. ఈ సంఘటనపై కేసు నమోదు చేసుకొని దర్యాప్తు చేసిన తర్వాత మస్కట్ గవర్నరేట్ పోలీసులు నిందితుడిని అరెస్టు చేశారని రాయల్ ఒమన్ పోలీసులు తెలిపారు. గాయపడిన యువతిని వైద్య చికిత్స కోసం ఆస్పత్రికి తరలించామని, ఆమె పరిస్థితి ఇప్పుడు  స్థిరంగా ఉందని డాక్టర్లు చెప్పారని వెల్లడించారు. డ్రైవర్‌పై ప్రస్తుతం చట్టపరమైన చర్యలు కొనసాగుతున్నాయని తెలిపింది.