దుబాయ్: దుబాయ్ ఎయిర్‌పోర్ట్స్ సోమవారం ప్రకటించిన ప్రకటన ప్రకారం, మార్చి 2, 2026 సోమవారం సాయంత్రం నుంచి పరిమిత స్థాయిలో విమాన కార్యకలాపాలు పునఃప్రారంభం కానున్నాయి. దుబాయ్ ఇంటర్నేషనల్ ఎయిర్‌పోర్ట్ (DXB) మరియు దుబాయ్ వరల్డ్ సెంట్రల్ – అల్ మక్తూమ్ ఇంటర్నేషనల్ ఎయిర్‌పోర్ట్ (DWC) నుంచి కొద్ది సంఖ్యలో విమానాలకు అనుమతి ఇవ్వబడనుంది.

దుబాయ్ ప్రభుత్వ మీడియా కార్యాలయం తెలిపిన వివరాల ప్రకారం, తమ ఎయిర్‌లైన్ నుంచి నిర్ధారిత బయలుదేరే సమయం గురించి నేరుగా సమాచారం అందుకున్న ప్రయాణికులు మాత్రమే విమానాశ్రయాలకు రావాలని అధికారాలు సూచించాయి. ఎయిర్‌లైన్ నుంచి సమాచారం రాకుండా విమానాశ్రయాలకు రావద్దని స్పష్టం చేశారు.

ఇదిలా ఉండగా, ఎమిరేట్స్ ఎయిర్‌లైన్ కూడా సోమవారం సాయంత్రం నుంచి పరిమిత సంఖ్యలో విమానాలను ప్రారంభించనున్నట్లు ధృవీకరించింది. “ముందుగా బుకింగ్ చేసిన ప్రయాణికులకు ప్రాధాన్యత ఇస్తున్నాము. ఈ పరిమిత విమానాలకు మళ్లీ బుక్ చేయబడిన ప్రయాణికులను ఎమిరేట్స్ నేరుగా సంప్రదిస్తుంది” అని సంస్థ తెలిపింది.

అయితే, మిగిలిన అన్ని విమానాలు తదుపరి ప్రకటన వచ్చే వరకు నిలిపివేయబడ్డాయని ఎయిర్‌లైన్ స్పష్టం చేసింది.