యూఏఈ: గత 15 సంవత్సరాలుగా టికెట్ కొంటున్న షార్జాకు చెందిన పికప్ డ్రైవర్ విబీష్ పల్లియాలి బిగ్ టికెట్‌తో Dh15 మిలియన్ల జాక్‌పాట్‌ను కొట్టాడు. చివరి నిమిషంలో కొనుగోలు చేసిన టికెట్ తనకు లక్ తెచ్చిందని విబీష్ తెలిపాడు. 

“నేను భారత్ కు వెళుతున్నప్పుడు ఫిబ్రవరి 7న Dh1000తో టిక్కెట్లు కొన్నాను. ఫిబ్రవరి 28న, నా బంధువు మరియు అతని ఇద్దరు స్నేహితులు టికెట్ తీసుకోవాలని అడిగారు. నేను ఈ నెల నా బడ్జెట్‌ను ఇప్పటికే ఖర్చు చేశానని వారికి చెప్పడానికి ప్రయత్నించాను, కానీ వారు నన్ను వేడుకుంటూనే ఉన్నారు. వారిని నిరాశపరచకుండా నేను టికెట్ తీసుకున్నాను. నేను దానిని రాత్రి 8 గంటలకు ఆన్‌లైన్‌లో కొనుగోలు చేసాను. అది నాకు అదృష్టాన్ని తెచ్చిపెట్టిన టికెట్.” అని వివరించాడు విబీష్.

రెండు దశాబ్దాలుగా ఒక రవాణా సంస్థలో పికప్ డ్రైవర్‌గా పనిచేస్తున్న విబీష్, యూఏఈ లోని మారుమూల ప్రాంతాలకు వెళ్లాడు. అతను అబుదాబి నుండి సాయంత్రం షార్జాలోని తన ఇంటికి లోడ్ డెలివరీ చేసి వెళ్తుండగా బిగ్ టికెట్ నుండి కాల్ వచ్చిందని పేర్కొన్నాడు.   

తను విజేతగా నిలిచానని వారు చెప్పగానే కొన్ని సెకన్ల పాటు షాక్ లో ఉన్నానని తెలిపాడు.. “తర్వాత, నేను నా భార్యకు ఫోన్ చేసి నాకు కాల్ వచ్చిందని చెప్పింది. ఆమె వెంటనే ఆన్‌లైన్‌లో తనిఖీ చేసి, ఆపై విజేతగా నా పేరు వెబ్‌సైట్‌లో ఉందని చెప్పింది.” అని తన తెలిపాడు.

షార్జాలో తన భార్య రెస్నా మరియు కుమార్తె వందనతో కలిసి షార్జాలో నివసిస్తున్న విబీష్ కు, ఈ విజయం 15 సంవత్సరాల తర్వాత దక్కింది. అతను గత 15 సంవత్సరాలుగా ప్రతి నెలా టిక్కెట్టును కొనుగోలు చేస్తున్నాడు. ఇందు కోసం నెలకు Dh1,000 ని పక్కన పెట్టడం ఒక అలవాటుగా మారింది.   

బహుమతి మొత్తాన్ని మిగతా ముగ్గురితో పంచుకోవడం కారణంగా విబీష్ కు దాదాపు Dh4 మిలియన్ల వరకు అందుతాయి. వచ్చిన అమౌంట్ తో ఇండియాకు వెళ్లి స్థిరపడాలనుకుంటున్నట్లు తెలిపాడు.ఇంకా బెంగళూరులో చదువుతున్న తన కుమార్తె భవిష్యత్తు కోసం కొంత డబ్బును పక్కన పెడతానని విబీష్ చెప్పాడు.