దోహా: అమెరికా–ఇజ్రాయెల్, ఇరాన్ యుద్ధం మధ్యప్రాచ్యంలో ఉద్రిక్తతలను రగిలించింది. ఖతార్‌తో సహా అనేక గల్ఫ్ దేశాలను లక్ష్యంగా చేసుకుని ఇరాన్ ప్రతీకార దాడులకు తెగబడుతోంది. ముఖ్యంగా యూఎస్ ఎంబసీ, ఇంధన మౌలిక సదుపాయాలను టార్గెట్ చేసింది.చాలవరకు ఇరానియన్ డ్రోన్‌లు మరియు క్షిపణులను గల్ఫ్ దేశాల ఎయిర్ డిఫెన్స్ సిస్టమ్ సమర్థవంతంగా తిప్పికొడుతోంది. అయినా, అక్కడక్కడ స్వల్ప దుర్ఘటనలు జరుగుతున్న ఉదంతాలు ఉన్నాయి.ముఖ్యంగా ఖతార్-ఎనర్జీ సోర్సులపై ఇరాన్ దాడులు కొనసాగాయి.దీంతో కొన్ని కార్యకలాపాలను తాత్కాలికంగా నిలిపివేయడంతో ప్రపంచ LNG సరఫరాలపై ఆందోళనలు తలెత్తాయి.  

ఖతార్ వ్యాప్తంగా టెన్షన్ వాతావరణం కొనసాగుతున్నప్పటికీ అనేక మంది ప్రవాసులు దోహా మధ్యవర్తిత్వ మరియు ఉద్రిక్తతలను తగ్గించడానికి విస్తృత ప్రయత్నంపై విశ్వాసం వ్యక్తం చేస్తున్నారు. వ్యాపారవేత్త సహీద్ అబ్దుల్‌రెహ్మాన్ మాట్లాడుతూ..“మేము ఇంతకు ముందు సంక్షోభాలను చూశాము. ఖతార్ ఎల్లప్పుడూ దౌత్యపరమైన చర్చల ద్వారానే వెళ్లింది. శాంతి పట్ల ఖతార్ నాయకత్వం నిబద్ధతతో ఉంది. త్వరలో సంక్షోభం ముగుస్తుందని మాకు ఆశను ఇస్తుంది.” అని అన్నారు.

ప్రాంతీయ మధ్యవర్తిగా ఖతార్ తనదైన పాత్రను పోషిస్తుంది.  హమాస్ ప్రతినిధి బృందంపై జరిగిన దాడి సహా తన భూభాగంపై దాడుల తర్వాత కూడా, చర్చలకు ప్రయత్నించడాన్ని ప్రపంచ దేశాలు కొనియాడాయి. ఖతార్ సమతుల్య విదేశాంగ విధానం, విభిన్న పార్టీలతో సంబంధాలను కొనసాగించడం, శాంతిని ప్రోత్సహించడంలో ప్రత్యేకంగా ఎలా సహాయపడుతుందో నివాసితులు హైలైట్ చేశారు.

 “దాడులు దిగ్భ్రాంతికరమైనవి.  అమీర్ మరియు ప్రభుత్వం ఇప్పటికీ దౌత్య మార్గాల ద్వారానే  కొనసాగుతారని మేము విశ్వసిస్తున్నాము. ఈజిప్ట్, టర్కీ మరియు ఇతరులతో చర్చలు ఇప్పటికే జరుగుతున్నాయి .  ఇది అందరికీ భరోసా ఇస్తుంది.” అని అమోస్ అడెటిలేవా అనే ఉపాధ్యాయుడు అభిప్రాయపడ్డాడు.

ఇంధన రంగంలో పనిచేస్తున్న భారతీయ ఇంజనీర్ రాజేష్ కుమార్ మాట్లాడుతూ.. “చాలా దేశాలతో పోలిస్తే ఖతార్ లో జీవితం స్థిరంగా ఉంది. ప్రతీకారం తీర్చుకోవడం కంటే పరిష్కారంపై దృష్టి పెట్టడం ప్రోత్సాహకరంగా ఉంది. వ్యాపారాలు అనుకూలంగా మారుతున్నాయి. సాధారణ స్థితి త్వరగా తిరిగి వస్తుందని మేము విశ్వసిస్తున్నాము.” అని పేర్కొన్నారు.

ఖతార్ విదేశాంగ మంత్రిత్వ శాఖ అధికారిక ప్రకటనలు కూడా ప్రజలు, ప్రవాసుల మనోభావాలను బలోపేతం చేశాయి. పరస్పర గౌరవం ఆధారంగా రాజకీయ పరిష్కారాల అవసరాన్ని నొక్కి చెబుతూనే సార్వభౌమాధికార ఉల్లంఘనలను ఖండించింది.  

ఇటీవలి కాలంలో ఖతార్ తన ఆర్థిక వ్యవస్థను వైవిధ్యపరచడం, ఆహారం మరియు పరిశ్రమలలో స్వయం సమృద్ధిని పెంచడం, అంతర్జాతీయ పొత్తులను బలోపేతం చేయడానికి ప్రాధాన్యత ఇస్తుందని నిపుణులు విశ్లేషిస్తున్నారు. 

ప్రస్తుతం నెలకొన్న ఉద్రిక్తతలు తగ్గిన తర్వాత వ్యాపారులు మరియు నివాసితులు కార్యకలాపాలను త్వరగా పునఃప్రారంభించాలని ఆశిస్తున్నారు. అమీర్ దౌత్యంపై  ప్రవాసులు తమ నమ్మకాన్ని వ్యక్తపరిచారు.  త్వరలోనే శాంతియుత పరిష్కారం లభిస్తుందన్న ఆశావాదాన్ని ప్రజలు, ప్రవాసులు వ్యక్తం చేశారు.