దోహా: ఖతార్ వ్యాప్తంగా ప్రస్తుతం సర్క్యులేట్ అవుతున్న ఫేక్ వాట్సాప్ మెసేజ్ కు వ్యతిరేకంగా ప్రభుత్వ కమ్యూనికేషన్ కార్యాలయం (GCO) నివాసితులకు ఒక పబ్లిక్ అడ్వైజ్ ను జారీ చేసింది.

షెల్డర్ స్థానాల గురించి సమాచారాన్ని అందిస్తున్నట్లు క్లెయిమ్ చేస్తూ అంతర్గత మంత్రిత్వ శాఖ తరపున తప్పుడు వాట్సాప్ మెసేజ్ సర్క్యులేట్ అవుతుందని GCO తన ప్రకటనలో పేర్కొంది.

ఈ విషయానికి సంబంధించి అంతర్గత వ్యవహారాల మంత్రిత్వ శాఖ ఎటువంటి మెసేజులను జారీ చేయలేదని, అనధికారిక వనరుల నుండి లింక్‌లను యాక్సెస్ చేయకుండా ఉండాలని మరియు ఏదైనా అనుమానాస్పద కంటెంట్ లేదా లింక్‌లను సంబంధిత అధికారులకు నివేదించాలని GCO ప్రజలను కోరింది.

అధికారికంగా వచ్చే సమాచారంపైనే ఆధారపడాలని మరియు పుకార్లను వ్యాప్తికి దూరంగా ఉండాలని GCO ప్రజలకు గుర్తు చేసింది.