జమ్మూకశ్మీర్‌ విద్యాశాఖ మంత్రి నయీమ్‌ అక్తర్‌ ఇంటిపై సోమవారం అర్ధరాత్రి గుర్తు తెలియని దుండగులు రెండు పెట్రోలు బాంబులు విసిరారు. దాంతో ఇంటి గేటు మొత్తం పూర్తిగా ధ్వంసమైంది. దాడి జరిగిన సమయంలో అక్తర్‌ ఆయన భార్య ఇంట్లోలేకపోవడంతో ప్రమాదం తప్పిందని ఇంటి చుట్టూ భారీ భద్రతా ఏర్పాట్లు చేశామని పోలీసులు మంగళవారం వెల్లడించారు. అనంతరం బెమీనా ప్రాంతంలోని ఆర్‌ అండ్‌ బీ భవనం వద్ద కూడా పెట్రోల్‌ బాంబులు విసిరినట్లు తెలిపారు. నిందితుల కోసం గాలింపు చేపట్టారు.