విమానం కూలి ఎనిమిది మంది దుర్మరణం చెందిన ఘటన బ్రెజిల్‌లో చోటుచేసుకుంది. పైపర్‌ నవాజో జెట్‌ విమానం పరానా రాష్ట్రంలోని క్యాంబే ప్రాంతంలో ఉన్న ఎక్సలెన్స్‌ రవాణా శాఖ భవనంపై కూలిపోయింది. దీంతో విమానంలో మంటలు చెలరేగి అందులోని 8 మంది అక్కడికక్కడే మృతిచెందారు. ఈ ప్రమాదం చోటుచేసుకున్న ప్రదేశానికి కొద్ది దూరంలో ఓ చర్చి కూడా ఉందని, ఆసమయంలో అందులో 300 మంది ప్రార్థనలు చేస్తున్నారని, అదృవశాత్తు వారికి ఏమీ కాలేదని స్థానికులు మీడియాకి తెలిపారు. జెట్‌లోని ప్రయాణికులంతా లోండ్రినా ప్రాంతంలో ఓ పెళ్లికి హాజరై తిరిగి వస్తున్నారని, కొద్దిసేపట్లో గమ్యం చేరుకుంటారనగా ఘోరం జరిగిపోయిందని అధికారులు వెల్లడించారు. ప్రయాణికులంతా బ్రెజీలియన్‌ యూనియన్‌ ఆఫ్‌ కోఆపరేటీవ్స్‌ ఫెనాట్రోకాప్‌ అధ్యక్షుడు మౌరీ వియానాకి బంధువులని తెలిపారు.