హిద్‌ మరియు డ్రై డాక్‌ ఏరియాలోని కోస్తా తీర ప్రాంతాల్లో అక్రమంగా ఏర్పాటు చేసిన క్యాబిన్లను అధికారులు తొలగించారు. మొత్తం 260 క్యాబిన్లు ఈ సందర్భంగా తొలగించబడ్డాయి. వీటిని రెస్ట్‌ రూములుగానూ, స్టోర్‌ రూమ్స్‌గానూ వినియోగిస్తున్నారు. క్యాబిన్లు ఏర్పాటు చేయడం బహ్రెయిన్‌ చట్టాలకు విరుద్ధమని ముహర్రాక్‌ మునిసిపాలిటీ వర్గాలు వెల్లడించాయి. పబ్లిక్‌ ఎవరైనాసరే, ఇటువంటి అక్రమ క్యాబిన్ల గురించి సమాచారం తెలిస్తే వెంటనే అధికారిక వర్గాలకు ఫిర్యాదు చేయవచ్చని అధికారులు తెలిపారు. సోషల్‌ మీడియా ద్వారా కూడా అక్రమ బీచ్‌ క్యాబిన్లపై ఫిర్యాదు చేయవచ్చు. 1996 - చట్టం 20 ఆర్టికల్‌ 1 ప్రకారం పబ్లిక్‌ బీచ్‌లు మరియు కోస్టల్‌ ప్రాంతాల్ని ప్రైవేటు కార్యక్రమాలకు ఉపయోగించడం నేరం.