ఇబ్రి: అల్ ధాహిరా గవర్నరేట్‌లోని ఇబ్రి విలాయత్‌లో ఒక వాడీలో  వాటర్ పూల్ లో నీట మునిగి ఇద్దరు ఒమన్ మహిళలు మరణించినట్లు సెర్చ్ అండ్ రెస్క్యూ సెక్టార్ నివేదించింది. బాధితుల్లో ఒకరు నీటిలోకి దిగి మునగగా, రెండవ మహిళ ఆమెను రక్షించడానికి ప్రయత్నించింది. ఆ తర్వాత ఇద్దరూ నీటి ఉధృతికి చిక్కుకుని మునిగిపోయారని అధికారులు తెలిపారు. సంఘటనా స్థలానికి చేరుకున్న రెస్క్యూ బృందాలు, మృతదేహాలను వెలికితీశాయి. ఒమన్‌లోని కొన్ని ప్రాంతాలలో భారీ వర్షాలు కురుస్తున్నాయి. దీనివల్ల వాడీలు మరియు లోతట్టు ప్రాంతాలలో నీటి మడుగులు ఏర్పడి, ఇలాంటి ప్రమాదాల ముప్పు ఉంటుందని అధికారులు హెచ్చరించారు.