అమెరికా: అమెరికా అధ్యక్షుడు డొనాల్డ్ ట్రంప్ మరో కీలక ప్రకటన చేశారు. ఇరాన్‌పై దాడులను తాత్కాలికంగా వాయిదా వేస్తున్నట్లు వెల్లడించారు.

ఇరాన్ ఎనర్జీ ప్లాంట్లపై దాడులను మరో 10 రోజుల పాటు నిలిపివేస్తున్నట్లు ట్రంప్ తెలిపారు. ఇరాన్ అభ్యర్థన మేరకు ఏప్రిల్ 6 వరకు గడువు పొడిగించినట్లు చెప్పారు. ప్రస్తుతం రెండు దేశాల మధ్య చర్చలు సానుకూలంగా కొనసాగుతున్నాయని పేర్కొన్నారు.

ఇటీవల ట్రంప్ హర్మూజ్ జలసంధి తెరవాలని అల్టిమేటం ఇచ్చిన సంగతి తెలిసిందే. దీని తర్వాత ఇరాన్‌తో చర్చలు ప్రారంభమయ్యాయి. మొదట 5 రోజుల గడువు ఇవ్వగా, ఇప్పుడు మరింతగా పొడిగించడం ప్రాధాన్యత సంతరించుకుంది.

ఒకవైపు చర్చలు కొనసాగుతున్నాయని చెబుతూనే, అమెరికా ప్రాంతంలో సైనిక బలగాలను పెంచుతోంది. ఇరాన్ మాత్రం నేరుగా చర్చల్లో పాల్గొనడం లేదని చెబుతోంది. ఇదే సమయంలో మధ్యప్రాచ్యంలో ఉద్రిక్త పరిస్థితులు కొనసాగుతుండటంతో ప్రపంచవ్యాప్తంగా ఆందోళన నెలకొంది.