మక్కా: మక్కా ప్రాంతంలోని అన్ని పాఠశాలలకు సమ్మర్ కు సంబంధించి కొత్త పనివేళలు ఏప్రిల్ 5 నుండి అమల్లోకి వస్తాయని విద్యా శాఖ ప్రకటించింది.
వేసవి కాలంలో వాతావరణ మార్పులకు అనుగుణంగా, విద్యార్థులు మరియు పాఠశాల సిబ్బందికి మరింత అనుకూలమైన లెర్నింగ్ వాతావరణాన్ని కల్పించాలని ఈ నిర్ణయం తీసుకున్నట్లు పేర్కొంది. ఉదయం షిఫ్ట్ పాఠశాలల్లో మార్నింగ్ అసెంబ్లీ ఉదయం 6:45 గంటలకు, క్లాసెస్ ఉదయం 7:00 గంటలకు ప్రారంభమవుతాయని విద్యాశాఖ తెలిపింది.
విద్యార్థుల అవసరాలను దృష్టిలో ఉంచుకుని విద్యా సామర్థ్యాన్ని పెంచేందుకు, ఆమోదించిన షెడ్యూళ్ల ప్రకారం, నిరంతర విద్యా పాఠశాలల్లో బాలురకు సాయంత్రం 5:00 గంటలకు మరియు బాలికలకు మధ్యాహ్నం 3:00 గంటలకు తరగతులు ప్రారంభమవుతాయని పేర్కొంది.