మనామా: ఇరాన్ డ్రోన్లతో తమ పలు ఆపరేషన్ యూనిట్లపై దాడులు చేసిందని గల్ఫ్ పెట్రోకెమికల్ ఇండస్ట్రీస్ కంపెనీ (GPIC) ప్రకటించింది.ఈ ఘటన వల్ల ప్రభావితమైన పలు యూనిట్లలో మంటలు చెలరేగాయని కంపెనీ పేర్కొంది. అయితే, అత్యవసర సహాయక బృందాలు వేగంగా స్పందించడంతో పరిస్థితి అదుపులోనే ఉందని తెలిపింది.  ఎలాంటి ప్రాణనష్టం జరగలేదని GPIC ధృవీకరించింది.

ప్లాంట్‌పై జరిగిన నష్టాన్ని అంచనా వేయడానికి నష్ట అంచనా బృందాలను రంగంలోకి దించారు. పరిస్థితిని అదుపులోకి తీసుకురావడానికి, సైట్‌ను సురక్షితం చేయడానికి తమ అత్యవసర బృందాలు సివిల్ డిఫెన్స్ యూనిట్లు మరియు సంబంధిత ప్రభుత్వ అధికారులతో సమన్వయంతో పనిచేశాయని కంపెనీ తెలిపింది. తమ సిబ్బంది భద్రతే తమకు అత్యంత ప్రాధాన్యత అని GPIC స్పష్టం చేసింది.