యూఏఈః మే నెలలో యూఏఈ నివాసితులు సంవత్సరంలో లాంగెస్ట్ హాలీడేలను పొందనున్నారు. ప్రపంచవ్యాప్తంగా ఉన్న ముస్లింలకు అరఫా డే మరియు ఈద్ అల్ అదా మతపరంగా చాలా ముఖ్యమైనవి. ఇవి యూఏఈలో ప్రజలకు ప్రభుత్వ సెలవులను అందిస్తాయి. ఇస్లామిక్ క్యాలెండర్‌లో ధుల్ హిజ్జా 9వ తేదీన వచ్చే అరఫా డే, ఇస్లాంలో అత్యంత పవిత్రమైన రోజులలో ఒకటి. దీనిని యూఏఈలో ప్రభుత్వ సెలవు దినంగా పాటిస్తారు. దీని తర్వాత సాధారణంగా మూడు రోజుల పాటు ఈద్ అల్ అదా వేడుకలు జరుగుతాయి. అన్ని ఇస్లామిక్ పండుగల మాదిరిగానే ఖచ్చితమైన తేదీలు చంద్రుడు కనిపించడంపై ఆధారపడి ఉంటాయి.
2026లో అరఫా దినోత్సవం మే 26న వస్తుందని అంచనా. దాని తర్వాత వచ్చే ఈద్ అల్ అదా సందర్భంగా మే 27నుండి మే 29 వరకు మరో మూడు రోజుల ప్రభుత్వ సెలవులు లభిస్తాయి. వారాంతాలతో (శని/ఆది) కలిపితే, నివాసితులకు ఆరు రోజుల అదనపు సెలవులు లభించే అవకాశం ఉంది.

ఈ పండుగ కాలాన్ని పూర్తిగా సద్వినియోగం చేసుకోవాలనుకునే వారు, మే 25 నాడు ఒక రోజు వార్షిక సెలవు తీసుకోవడం ద్వారా తమ సెలవులను మరింతగా పొడిగించుకోవచ్చు. సెలవులకు ముందు మరియు తర్వాత వచ్చే వారాంతాలతో కలిపితే, నివాసితులు వరుసగా తొమ్మిది రోజుల వరకు సెలవును ఆస్వాదించవచ్చు.    

హజ్ 2026
హజ్ యాత్ర ఇస్లాంలో అత్యంత ముఖ్యమైన మతపరమైన విధులలో ఒకటి. ప్రతి సంవత్సరం జుల్ హిజ్జా మాసంలో ప్రపంచవ్యాప్తంగా ఉన్న లక్షలాది ముస్లింలు సౌదీ అరేబియాలోని మక్కాకు తరలివస్తారు. ఈ సంవత్సరం, గ్రెగోరియన్ క్యాలెండర్ ప్రకారం హజ్ యాత్ర మే 25నుండి జూన్ 30మధ్య జరుగుతుందని అంచనా.

అరఫా దినం
హజ్ యాత్రికులు 'ఇహ్రామ్' అని పిలువబడే పవిత్ర స్థితిలోకి ప్రవేశించడంతో ఇది ప్రారంభమవుతుంది. అక్కడ నుండి, వారు కాబా చుట్టూ 'తవాఫ్' (ప్రయాణం) మరియు సఫా, మర్వా కొండల మధ్య 'సయీ' (నడవడం) చేస్తారు. ఈ యాత్ర అరఫాలో ఒక శక్తివంతమైన ప్రార్థనతో కొనసాగుతుంది. దాని తర్వాత ముజ్దలిఫాలో ఆరుబయట రాత్రి గడుపుతారు. అనంతరం యాత్రికులు షైతాన్‌పై రాళ్లు విసిరే ప్రతీకాత్మక కార్యక్రమంలో పాల్గొనడానికి మినాకు ప్రయాణిస్తారు. యాత్రను పూర్తి చేయడానికి ముందు వారు జంతు బలిని కూడా అర్పిస్తారు.
జుల్ హిజ్జా మాసం 9వ తేదీన పాటించే అరఫా డే. ఇస్లామిక్ క్యాలెండర్‌లోని అత్యంత పవిత్రమైన రోజులలో ఒకటి. హజ్ సమయంలో మక్కా సమీపంలోని అరఫా మైదానాలలో లక్షలాది మంది యాత్రికులు ప్రార్థనల్లో పాల్గొంటారు.