దోహా: ఖతార్ ఎయిర్‌వేస్ ప్రయాణికులకు కీలక సడలింపు ప్రకటించింది. అక్టోబర్ 31, 2026 వరకు ఉచితంగా విమాన తేదీల మార్పులు (డేట్ చేంజెస్) చేసుకునే అవకాశాన్ని కల్పించింది.

ఎయిర్‌లైన్ తెలిపిన వివరాల ప్రకారం, మీ విమానం రీషెడ్యూల్ కావడం, ఆలస్యమవడం లేదా పూర్తిగా రద్దు కావడం వంటి పరిస్థితుల్లో, అలాగే మీరు జూన్ 15, 2026 నాటికి లేదా అంతకు ముందు ప్రయాణానికి కన్ఫర్మ్డ్ బుకింగ్ కలిగి ఉన్నట్లయితే, ఈ సదుపాయం వర్తిస్తుంది. ప్రయాణికులు అక్టోబర్ 31, 2026 వరకు తమ ప్రయాణ తేదీలను ఎటువంటి మార్పు రుసుములు లేకుండా సవరించుకోవచ్చు.

అయితే, ఈ సౌకర్యం ఖతార్ ఎయిర్‌వేస్ నిర్వహించే విమానాలకే పరిమితం అవుతుంది. రీబుకింగ్ సమయంలో సీట్ల లభ్యత, అలాగే సీజన్‌కి అనుగుణంగా ఉండే ఛార్జీల తేడాలు వర్తించే అవకాశం ఉంది.

మరింతగా, ఒకసారి రీబుక్ చేసిన విమానం కూడా మళ్లీ మార్పులకు లోనైతే, అదే గడువు (అక్టోబర్ 31, 2026)లోపు ప్రయాణికులు అదనపు ఛార్జీలు లేకుండా మరోసారి తేదీ మార్పు చేసుకునే వీలు కల్పించారు.

ప్రస్తుతం ఉన్న అనిశ్చిత పరిస్థితుల్లో ప్రయాణికులకు సౌలభ్యం కల్పించేందుకు ఖతార్ ఎయిర్‌వేస్ ఈ నిర్ణయం తీసుకున్నట్లు తెలుస్తోంది.

Your travel plans have changed? We’re here to assist you.
 
If your flight has been rescheduled, delayed, or cancelled, and you hold a confirmed booking for travel up to 15 June 2026, you may benefit from a complimentary date change up to 31 October 2026 (on Qatar Airways… pic.twitter.com/ZmtoOhdpHd

— Qatar Airways (@qatarairways) April 13, 2026