విజయవాడ: ఆత్మవికాస్`2026, సమ్మర్ క్యాంప్‌లో భాగంగా ఈ నెల 27నుంచి మే 9వ తేదీ వరకు వివిధ కార్యక్రమాలు చేపట్టనున్నారు. నగరంలోని గాంధీనగర్‌లో రామకృష్ణా మిషన్ ఆధ్వర్యంలో నడుస్తున్న ‘వివేకానంద సెంటర్ ఫర్ హ్యూమన్ ఎక్సలెన్స్’లో 12రోజుల పాటు వివిధ కార్యక్రమాలు నిర్వహించనున్నట్టు ఆ సంస్థ  ఒక ప్రకటనలో పేర్కొంది. 4వ తరగతి నుంచి 9వ తరగతి చదువుతున్న పిల్లలకు ధ్యానం, యోగాసనాలు, వేద పఠనం, భజనలు, లీడర్‌షిప్ స్కిల్స్, చరిత్ర నిర్మాణం వంటివి ఇక్కడ నేర్పనున్నారు. ఉదయం 8.30గంటల నుంచి 11.30గంటల వరకు నిత్యం తరగతులుంటాయని నిర్వాహకులు తెలిపారు. సీట్లు పరిమితంగా ఉంటాయని, ఫీజు ఒకొక్కరికీ రూ.750 ధర నిర్ణయించామని ఆ ప్రకటనలో స్పష్టం చేశారు.